سلام عليكم ورحمة الله وبركاته،،
شلوونكم وشمسوووين
بدش الموضوع بدون مقدمات
العام وبنفس هالتوقيت سويت اكبر جريمه في حق البشريه
سويت أول طبخه في حياتي ..حياكم جوفو التفاصيل م الالف الى الياء
ونبتدي معاكم المغامره ....
رحت البقاله وخذيت : 3 حبات طمام ، فلفل اخضر 2 ، بصل 2 - آلوو (بطاطس1)
سبنت - تابل - علبة معجون طماط - باذنجان - دجاجه متوسطه
بالاضافه الى التوابل والبهارات البحرينيه
خذيت الديايه ونقعتها بماي لمدة ربع ساعه تقريبا
بعدين قشرت البصل والآلو والفلفل البارد وقطعتهم مع الطماط والسبنت والتابل
وهذي السبنت مادري الحشيش مادري شسمه .. جوفو شكله بس ... اللي تعلمته انه يعطي للأكل نكهه
بعد ما قطعت الخضروات ، شغلت الفرن وخليته يصخن عند درجة حراره 100د
اهنيه انظف الديايه من الشحوم والدهون والاشيه اللي ما تحتاجهه في الديايه
طبعا اهنيه نحط كمية الديايه المطلوبه .. انا سويت هالطبق حق شخص واحد وانتو اذا تبون سوا زياده
عقب انييب التوابل .. بزار - كركم - بهارات هنديه(( سبيشل ))- فلفل احمر - ملح
ماعرف شنهي المصطلحات المطبخيه خخخخ . بس اللي سويته اني
خلطت هالبهارات كلها مع بعض . وبعدين حطيت معجون الطماط فوقهم
طبعا تلفوني مالي حاجه فيه بعد هالطبخه ههههههههه
لني أسوي شي واصور بس ميخالف كله يهون عشان الدوله والحكومه
يبت صينيه مادري شنو .. المهم ماعرف شيسمونها ..أأأي آنيه ههههه
يبت الآنيه اللي تنحط في الفرن وما تنكسر ,, وحطيت فيها الخضروات .
خذيت الديايه ووزعتها بوسط ال(( آنيه )) خخخخ وععع مب شي هالكلمه بسميها صينيه أوكي؟؟
وهذي شكلها الصينيه بعد ما حطيت الديايه مع الخضروات والتوابل مع بعض
بعدين يبت ورق القصدير ولفيت الصينيه زين مازين بالورق .
خذيت الصينيه الى الفرن ,, طبعا الفرن صاخن .. فلازم تلبسون القفاز مال الفرن
ههههههه ما عليكم مني ،، ماعندي لانه ..
بس لاصرت طباخه( زينه) باخذ لي عدة الطبخ ههههههه
بس انا خليت الوالد يحطها عني بالفرن
ههههههههههههههههاي
الجمعة سبتمبر 21, 2007 3:08 pm
